BREAKING: Patay ang limang katao sa insidente ng pananambang na naganap sa Cebu City.
Ayon sa Cebu City Disaster Risk Reduction and Management Office naganap ang pananambang sa Transcentral Highway sa Barangay Malubog alas 3:00 ng madaling araw ng Huwebes, Oct. 4.
Pawang lalaki ang mga biktima ng pananambang na wala nang buhay nang dumating ang rumespondeng ambulansya.
Lahat sila ay nagtamo ng tama ng bala sa katawan.
Sa ulat ng Cebu Daily News, tatlo sa mga biktima ay nakita sa kalsada katabi ng dalawang motorsiklo, habang ang dalawang iba pa ay nakita saloob ng isang kulay puting van na may plate number na GFF 192.
May nakita ring mga armas sa tabi ng mga nasawing lalaki.
Patuloy pa ang imbestigasyon sa insidente.