Nais ni Senate President Tito Sotto III na alisin na ang Presidential Communication Operations Office (PCOO).
Katuwiran nito dapat ay bawasan na ang mga nangangalaga sa komunikasyon ng Malacañan dahil aniya ang PCOO ay binuo lang naman ng nagdaang administrasyon.
Dagdag pa nito ang dapat mangalaga na lang sa presidential communication ay ang Office of the Press Secretary na pinamumuan ni Secretary Martin Andanar.
Ang panukala ay inilabas ni Sotto sa budget hearing ng PCOO kahapon.
Dagdag pa nito, bahala na si Andanar sa mga maapektuhang opisyal at tauhan ng PCOO.
Pagdidiin ng senador masyadong maraming bida ngayon sa opisina ni Andanar.
MOST READ
LATEST STORIES