Bilang ng bar examinees ngayong taon, record high mula taong 2000
Pumalo sa 8,752 indibidwal ang nakatakdang kumuha ng 2018 bar examinations ayon sa Office of the Bar Confidant (OBC) ng Korte Suprema.
Ito na ang pinakamataas na bilang ng aspiring lawyers simula taong 2000 kung saan mas mataas ito sa 7,227 examinees noong 2017.
Magaganap ang 2018 Bar Exams sa apat na Linggo ng Nobyembre o November 4, 11, 18 at 15 sa University of Santo Tomas (UST).
Ang Bar Examination Committee ay pinangungunahan ni Supreme Court Associate Justice Mariano Del Castillo.
Nagsimula na ang pagbibigay ng bar examination permits ngayong Linggo.
Maaaring kuhain ang test permit mula alas-8 ng umaga hanggang alas-6:30 ng gabi Lunes hanggang Biyernes at alas-8 ng umaga hanggang alas-3 ng hapon sa Sabado at Linggo para sa may mga pangalan na ‘unconditionally approved by the Court’ na kumuha ng pagsusulit.
Kailangan lamang dalhin ng mga kukuha ng permits ang kanilang acknowledgement receipts at dalawang identification cards.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.