Celine Pialago nagulat matapos mapabilang sa shorlist ng papalit kay Sec. Roque
Nabigla si Metropolitan Manila Development Authority (MMDA) Assistant Secretary at Spokesperson Celine Pialago matapos malamang kasama siya sa shortlist ng mga pinagpipiliang papalit kay Presidential Spokesperson Harry Roque.
Ito ay dahil sa pagkonsidera ni Roque na tumakbo para sa pagka-Senador sa 2019.
Ayon kay Pialago, hindi pa napapanahon para pag-usapan ang pagpalit kay Roque lalo’t hindi pa buo ang desisyon nitong tumakbo sa halalan at hindi pa naman bakante ang posisyon nito.
Giit pa ng opisyal, ang usapin tungkol sa susunod na tagapagsalita ng pangulo ay bagay naka-angkla lamang sa pangulo.
Itutuon na lamang muna anya niya ang kanyang atensyon sa trabaho sa MMDA lalo pa’t papalapit na ang Undas at holiday season.
Samantala, nauna nang inihayag ni Roque na irerekomenda niya sa pangulo ang kanyang assistant secretary na si Rachel Queenie Rodulfo bilang kanyang kapalit.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.