Sabwatan ng BOC, PDEA, at PNP sa smuggling ng droga nais kalkalin ng Kamara

By Erwin Aguilon October 03, 2018 - 01:18 AM

Target ng House Dangerous Drugs Committee na tutukan ang nadiskubreng sabwatan ng Bureau of Customs (BOC), Philippine Drug Enforcement Agency (PDEA), at Philippine National Police (PNP) sa pagpupuslit ng droga.

Ayon sa pinuno ng komite na si Surigao Representative Ace Barbers, nais nilang malaman sa susunod na pagdinig ang sinasabing sabwatan nina dating Customs intelligence officer Jimmy Guban, nasibak na PDEA Deputy Chief Ismael Fajardo at dismissed Police Senior Superintendent Eduardo Acierto.

Maaari aniyang modus o sinadya ang pag-abandona sa mga nasabat na droga sa Manila International Container Port (MICP) upang magkaroon ng accomplishment ang tatlo.

Sinabi ni Barbers na lumabas na tanging ang tatlo lamang ang nakakaalam sa pagpasok at paglabas ng natuklasang P4.3 bilyong shabu na nadiskubre sa magnetic lifters sa MICP.

Kapareho aniya ito sa magnetic lifters na natagpuan sa isang warehouse sa General Mariano Alvarez, Cavite.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.