Buy bust operation sa Laguna nauwi sa engkwentro; suspek patay

Dead on the spot ang isang drug pusher matapos makipagbarilan sa mga pulis sa Barangay Looc, Calamba City, Laguna.

Kinilala ang napatay na tulak ng iligal na droga na si Aries Dela Cruz.

Ayon sa Calamba City Police, nakatunog si Dela Cruz na pulis pala ang kanyang kausap kaya bumunot ito ng baril at pinaulanan ng bala ang mga otoridad.

Gumanti ng putok ang pulisya na nagresulta sa agarang pagkamatay ng suspek.

Narekober mula sa suspek ang isang plastic sachet ng shabu at isang hindi pa batid na kalibre ng baril.