Surigao del Norte at Zamboanga del Sur niyanig ng lindol

Naitala ang magkahiwalay na pagyanig sa Surigao del Norte at Zamboanga del Sur Martes ng gabi.

May lakas na magnitude 3.0 ang lindol na naitala sa Surigao del Norte alas-10:57.

Ang episentro nito ay sa layong walong kilometro Hilagang-Kanluran ng Pilar.

May lalim ang pagyanig na 25 kilometro.

Alas-11:04 naman nang maitala ang magnitude 3.1 na lindol sa Zamboanga del Sur.

Ang episentro ay sa layong 40 kilometro Timog-Silangan ng Tabina.

Pawang tectonic ang dahilan ng mga pagyanig na hindi naman nagdulot ng pinsala sa mga ari-arian.

Wala ring inaasahang aftershocks.