Mga kumpanya ng langis may higit P1 dagdag sa presyo ng produktong petrolyo bukas

Inaunsyo na ng mga kumpanya ng langis ang halaga ng itataas nila sa presyo ng produktong petrolyo.

Ayon sa Shell, magdaragdag sila ng P1.35 sa presyo ng kada litro ng diesel; P1.00 sa presyo ng kada litro ng gasolina; at P1.10 sa presyo ng kada litro ng kerosene.

Epektibo ang naturang taas presyo bukas, October 2, alas 6:00 ng umaga.

Sa pareho ding oras at petsa, may parehong halaga ng dagdag ang mga kumpanyang Flying V at PTT.

Ito na ang ikawalong sunod na linggo na may dagdag presyo ang mga kumpanya ng langis.

Ngayong maghapon inaasahang mag-aanunsyo rin ng parehong halaga ng dagdag presyo ang iba pang mga kumpanya.