PNP at PDEA nagtutulungan upang makilala ang mga pulis na sangkot sa iligal na droga
Magkatulong ngayon ang Philippine National Police (PNP) at Philippine Drug Enforcement Agency (PDEA) upang kilalalin ang mga pulis na na-monitor na sangkot sa kalakaran ng iligal na droga.
Ayon kay PNP chief, Director General Oscar Albayalde, iniimbestigahan nila ngayong ang apat na mga pulis na sangkol sa droga batay sa intelligence report ng PDEA.
Nagtutulungan na rin aniya ang PDEA at PNP upang matunton ang mga dating pulis na sangkot rin sa illegal drug trade.
Samantala, ibinida naman ni Albayalde na simula July 2016 ay nasa 362 na mga pulis na ang nasibak matapos magpositibo sa drug test, habang 89 naman ang sinibak dahil sa paglabag sa karapatang pantao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.