Pilipinas, nakiramay sa mga nasawi sa lindol at tsunami sa Indonesia
Nagparating ng pakikiramay ang Pilipinas sa pagkasawi ng hindi bababa sa 400 na katao dahil sa tumamang lindol at tsunami sa Central Sulawesi, Indonesia.
Sa inilabas na pahayag, sinabi ni Foreign Affairs Secretary Alan Peter Cayetano na nakikisa ang Pilipinas sa pagdarasal sa mga namatay sa trahedya.
Handa aniya ang Pilipinas na mag-abot ng tulong para sa Indonesia.
Ayon kay Philippine Ambassador to Indonesia Leehiong T. Wee, apektado ng lindol at tsunami ang provincial capital ng Palu at Donggala.
Ani Wee, isang Pilipino lang ang naninirahan sa lugar. Ligtas naman aniya ito sa Lapas Penitentiary.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.