Halos 300 pamilya nawalan ng tirahan sa sunog sa Cebu City
Halos dalawang libong katao ang nawalan ng tirahan sa sunog na naganap sa Barangay Hipodromo sa Cebu City, Huwebes ng hapon.
Ayon kay Leah Japson, pinuno ng Department of Social Welfare Services, sa kanilang datos, nasa 162 mga bahay ang natupok.
Aabot sa 277 na pamilya ang naapektuhan ng sunog.
Nagpamahagi na ng packed meals ang social welfare office sa mga apektadong pamilya.
Ayon kay SFO1 Maurice Oporto, ang sunog ay nagmula sa bahay nina Ramie Inopiquez at Allan Betache na mabilis kumalat sa mga katabing tahanan.
Una nang sinabi ng fire department na kasama sa nasunog ang ancestral home ni self-confessed drug lord Kerwin Espinosa.
Wala namang naitalang nasugatan sa insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.