Meralco, talo vs Mono Vampire sa Fiba Asia Champions Cup

By: Angellic Jordan - 6 years ago

Natalo ang Meralco Bolts kontra sa Thai basketball team na Mono Vampire Basketball Club sa unang araw ng Fiba Asia Champions Cup sa iskor na 100-92.

Ang Meralco ang naging representative ng Pilipinas para sa Fiba Asia Champions Cup.

Sa fourth quarter ng laro, naging tabla pa ang iskor ng dalawang koponan ngunit agad umalagwa ang Mono Vampire matapos gumawa ng 8-0 run.

Pinangunahan naman ni Diamond Stone ang Blots sa kaniyang 23 points at 8 rebounds habang si Allen Durham naman ay nakapagtala ng 20 points at 18 boards.

Idinaos ng laro sa Stadium 29 sa probinsya ng Nonthaburi, Thailand.