PUBLIC SERVICE: Bahagi ng Makati at Binan, Laguna mawawalan ng suplay ng kuryente

Mawawalan ng suplay ng kuryente ngayong araw ang bahagi ng Makati City at Binan Laguna.

Sa abiso ng Meralco sa San Lorenzo, Makati, alas 10:00 ng umaga hanggang alas 3:00 ng hapon ang power interruption na makaaapekto sa bahagi ng Barangay San Lorenzo.

Ito ay dahil sa pagpapalit ng poste at line reconductoring works ng Meralco sa lugar.

Sa Binan Laguna naman, alas 9:00 ng umaga hanggang alas 2:00 ng hapon ang power interruption na makaaapekto sa bahagi ng Barangay San Francisco.

Ayon sa Meralco, magpapalit din sila ng poste sa bahagi ng Macaria Avenue na sakop ng naturang barangay.