Apat na drug suspects arestado sa magkakahiwalay na operasyon sa Pasig
Arestado ang apat na drug suspects sa ikinasang magkakahiwalay na buy-bust operations sa Pasig City.
Isinagawa ang tatlong operasyon ng mga tauhan ng Pasig City Police Station Drug Enforcement Unit, Miyerkules (Sept. 26) ng madaling araw.
Ayon kay Sr. Supt. Rizalito Gapas, hepe ng Pasig City Police Station, alas 2:00 ng madaling araw nang madakip sa Purok Gahit, Barangay Pinagbuhatan, ang suspek na si Miguel Teves, 42 anyos.
Nakuha mula kay Teves ang 5 piraso ng transparent plastic sachets na naglalaman ng hinihinalang shabu at P200 na bust-bust money.
Sa Ortigas Extension naman sa Barangay Rosario, naaresto ang suspek na si Christian Sison alyas Kean, 33 anyos at residente ng Cainta, Rizal.
Nasabat naman kay Sison ang apat na sachet ng hinihinalang shabu, at P200 din na buy-bust money.
Alas 3:30 naman ng madaling sa bahagi ng Dr. Sixto Antonio Ave., Brgy. Rosario nadakip sa buy-bust operation ang mga suspek na sina Jose Amador Reyes alyas Ador, 57 anyos at Mark Hilado, 25 anyos.
Ang dalawa ay nakuhanan naman ng anim na plastic transparent sachets ng shabu at buy-bust money.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.