Miyembro ng LGBT patay sa pananambang sa Bulacan

Patay ang isang lalaki makaraang pagbabarilin sa Bulacan.

Ang bitktima na nakilalang si John Dayang ay nakasakay ng tricycle nang siya ay tambangan sa Barangay San Martin Uno sa San Jose Del Monte City.

Miyembro umabo ng LGBT si Dayang at nagtatrabaho sa parlor.

Hawak ngayon ng mga otoridad ang dalawang cellphone ng biktima para isailalim sa imbestigasyon.

Ayon sa salaysay ng mga kaanak ni Dayang, mayroong kinakasamang lalaki ang biktima.

Patuloy pa ang imbestigasyon sa insidente pero inalis na ang anggulong may kinalaman sa ilegal na droga ang pananambang.