Higit P734M 6/58 Ultra Lotto Jackpot hindi napanalunan

Umabot na sa P734,038,438 ang premyo sa Ultra Lotto 6/58 ng Philippine Charity Sweeptakes Offices (PCSO) kahapon.

Gayunman, wala pa ring nakasungkit sa naturang jackpot na inaasahan pang lalaki.

Ang winning combination sa draw kagabi ay 50-21-51-19-53-48.

Ang higit P734 milyong jackpot ay ang pinakamalaki na para sa 6/58 nang magsimula ito noong February 2015.

Samantala inaasahang mahihigitan na ng jackpot ng 6/58 ang pinakamalaking jackpot sa kasaysayan ng lotto na P741M sa 6/55.

Matatandaang napanalunan ito ng isang balikbayan mula sa New York noong November 2010.

Samantala, wala ring nakasungkit kahapon sa jackpot ng 6/49 Lotto na may premyong P55,964,344 at 6/42 Lotto na may premyo namang P32,714,804.