Ito ay dahil sa kakulangan umano ng ebidensya.
Matatandaang nagpost ng bomb scare ang blogger sa Facebook na paglabag sa Presidential Decree 1727 o ang malisyosong pagpapakalat ng pekeng impormasyon na may kinalaman sa pampasabog o kahalintulad na gamit.
Ayon kay Senior Inspector Myrna Diploma ng NCRPO Public Information Office, kailangan munang makipag-ugnayan ng kanilang tanggapan sa Anti-Cybercrime Unit para makumpleto ang ebidensya.
Hinahanap umano ng DOJ ang IP address ng orihinal na post ni Olivar hindi ang screenshot na iprinesenta ng NCRPO sa ahensya.
Sa panayam naman ng INQUIRER.net kay NCRPO Chief Police Director Guillermo Eleazar, muling itatakda ng pulisya ang paghahain ng mga kasong kriminal.
Gayunman ay hindi nito sinabi ang eksaktong petsa kung kailan muling maghahain ng reklamo ang NCRPO.
Matatandaang nangako si Philippine National Police (PNP) Chief Director General Oscar Albayalde na sasampahan ng kaso si Olivar kahit ito ay nag-public apology na.
Si Olivar ang blogger na makailang beses nang nasadlak sa kontrobersiya dahil sa pepederalismo video at pagkutya sa sign language.