Kamara magdodouble-time kasunod ng pagbaba ng approval rating sa Pulse Asia Survey

Kasunod ng pagbaba sa pinakahuling pulse asia survey magdodoble kayod ang kamara sa ilalim ng pamumuno ni House Speaker Gloria Macapagal-Arroyo sa pagpasa ng mga panukalang batas.

Ayon kay House Majority Leader and Camarines Sur Rep. Rolando Andaya Jr., ang pinakahuling resulta ng survey ay magiging hamon sa kanila para doblehin ang kanilang trabaho.

Iginiit nito na ang “point of governance” ang kanilang hamon upang gawin kung ano ang tama kahit at hindi na iniisip kung ano ang magiging opinyon ng publiko.

Sinabi ni Andaya na maliban sa approval ratings, ang mahalaga ay ang social and
and economic indicators kung saan sila naka focus tulad ng consumer price index.

Gayunman, ikinatuwa naman nito na nakikita ng publiko kung paano magtrabaho ang bagong pamunuan ng Kamara.

Sa pinakahuling resulta ng Pulse Asia survey ngayong buwan ng Setyembre bumaba sa 56 percent ang approval ratings ng Kamara mula sa 66 percent noong buwan ng Hunyo.