Nakatakdang ipatapon palabas ng bansa ang siyam na Korean nationals matapos silang arestuhin ng mga tauhan ng Bureau of Immigration (BI).
Ayon kay BI Commissioner Jaime Morente nahuli ang siyam na ilegal na nagtrabaho sa mga business establishment sa isang subdivision sa Parañaque City.
Ginawa ang pagsalakay sa mga establisyimento noong Sept. 18 ng mga tauhan ng Intelligence Division.
Ayon kay Morente nahuli ang mga dayuhan sa akto na nagtatrabaho sa mga tindahan, restaurants at language school.
Ang nasabing mga dayuhan ay pawang turista, undocumented o kaya naman ay mayroong pekeng work visa.
Ang mga inaresto ay kinilalang sina Seongjin Chung, Heakyung Pyun, Doyeon Kim, Myoungkyu Seong, Eun Kyung Lee, Kwan Soo Heo, Jeong Dong Kim, Sanghwan Pyun, at Song Min Sup.