Thunderstorm advisory, itinaas sa Metro Manila at ilang lalawigan

Nagtaas ang PAGASA ng thunderstorm advisory sa Metro Manila at ilang kalapit na lalawigan, Sabado ng hapon.

Sa abiso ng weather bureau, asahan na ang malakas na rainshower na kasamang kidlat at malakas na hangin sa Metro Manila, Zambales, Rizal, Bulacan, Laguna, Batangas at Cavite.

Sinabi ng PAGASA na mararamdaman ang sama ng panahon sa susunod na dalawang oras.

Samantala, mararanasan din ang kaparehong sama ng panahon sa Quezon partikular sa bahagi ng Lopez, Macalelon, General Luna, Catanauan, Pitogo at Calauag sa susuod na dalawang oras.

Dahil dito, inabisuhan ang publiko na maging alerto sa posibleng pagbaha at landslides.