Poe, nanguna sa Pulse Asia 2019 senatorial pre-election survey

Nanguna si Senadora Grace Poe sa listahan ng mga posibleng tumakbo bilang senador sa May 2019 elections.

Batay sa pre-election survery ng Pulse Asia, nakapagtala si Poe ng 70.1 percent na voter preference.

Pangalawa naman sa listahan si Senador Cynthia Villar na may 57.7 percent kasunod si Taguig City Representative Pia Cayetano na may 54.4 percent.

Kabila rin sa mga pumasok sa 12 pwesto ang mga sumusunod:
– Sen. Nancy Binay
– Davao City Mayor Sara Duterte-Carpio
– Sen. Edgardo ‘Sonny’ Angara Jr.
– dating Sen. Jinggoy Estrada
– Ilocos Norte Gov. Imee Marcos
– Sen. Aquilino Martin ‘Koko’ Pimentel III
– dating Sen. Lito Lapid
– dating Sen. Sergio ‘Serge’ Osmeña
– dating Sen. Manuel ‘Mar’ Roxas

Isinagawa ang survey sa 1,800 na rehistradong botante sa pamamagitan ng face-to-face interview mula September 1 hanggang 7, 2018.