DENR naglagay ng environmental officers sa Boracay
Para sa maayos na pagbubukas ng Boracay sa Oktubre 26 ay maglalagay ang Departmernt of Environment and Natural Resources (DENR) ng mga environmental enforcers sa buong isla.
Babantayan ng nasabing mga environmental enforcers ang maayos na pagpapatupad sa ilang mga inilatag plano para sa pangangalaga sa buong Boracay.
Pagbabawalan rin ang mga walk-in visitors na mag-overnight sa pagpapatupad ng dry run operation ng mga establishmento sa nasabing isla.
Sinabi ni DENR Sec. Roy Cimatu na 1,000 mga silid lamang ng mga hotel sa Boracay ang may inisyal na permit mula sa kanilang tanggapan para mag-operate sa susunod na buwan.
Sasamantalahin umano nila ang nasabing bilang para mamonitor ang kalidad na tubig na itatapon ng mga ito sa muling pagbubukas ng kanilang operasyon.
Ipinaliwanag pa ng kalihim na gagawin nilang template ang rehabilitasyon ng Boracay para sa pagsasa-ayos ng iba pang mga tourists’ destination sa bansa.
Nauna na ring sinabi ni Cimatu na pinag-aaralan na nilang isara muna sa mga turista ang Baguio City at isailalim ito sa rehabilistasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.