Lalaking kabilang sa watchlist arestado sa buy bust sa Quezon City
Timbog ang isang lalaking tulak ng ipinagbabawal na gamot matapos magkasa ng drug buy bust operation ang mga pulis sa Barangay Socorro sa Cubao, Quezon City.
Nakilala ang suspek na si Alfred Labrador, 22 taong gulang at walang trabaho.
Ayon sa mga elemento ng Quezon City Police District (QCPD) Station 7 sa Cubao, gabi ng Miyerkules nang isagawa ang operasyon kung saan narekober mula kay Labrador ang 15 piraso ng plastic sachet na naglalaman ng hindi pa batid na bigat ng hinihinalang shabu.
Bukod pa ito sa isang cellphone na gamit ng suspek sa kanyang mga transaksyon.
Dahil dito ay mahaharap si Labrador sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.