Maynilad magpapatupad ng dagdag-singil simula Oktubre
Epektibo na sa Oktubre ang simula ng utay-utay na dagdag singil sa tubig ng Maynilad.
Asahan ang dagdag na P3.66 sa may konsumong 10 cubic meters; P13.73 sa may konsumong 20 cubic meters at P28.10 sa may konsumong 30 cubic meters.
Nakapaloob sa dagdag singil ang P0.90 kada cubic meter na bahagi naman ng P5.73 kada cubic meter rate adjustment na inaprubahan ng Metropolitan Waterworks and Sewerage System (MWSS) na hahatiin sa loob ng 5 taon.
Parehong P1.95 kada cubic meter ang dagdag singil sa January 2020 at January 2021 habang P0.93 kada cubic meter sa January 2022.
Kabilang din sa rate increase ang aprubadong foreign curreny differential adjustment ng Maynilad na P0.11 kada cubic meter para sa huling 3 buwan ng taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.