1 drug pusher, 4 drug users timbog sa Caloocan
Arestado ang isang hinihinalang drug pusher at apat na drug users sa ikinasang buy bust operation sa Caloocan, Martes ng gabi.
Sa ulat ng Northern Police Distrcit (NPD), nakilala ang target na si Steve Ramirez, 18-anyos.
Nahuli si Ramirez sa loob mismo ng kaniyang bahay sa Barangay 120 kasama ang mga gumagamit ng droga na sina Maciste Dulap, 34-anyos; Mark Antonie Paulino, 28-anyos; Genesis Paulino, 18-anyos at Jonel Borinaga, 24-anyos.
Nagbenta umano si Ramirez ng isang pakete ng shabu na nagkakahalaga ng P300 sa isang pulis na naging poseur-buyer sa operasyon.
Narekober sa mga suspek ang tatlo pang pakete ng shabu, dalawang aluminun foil at dalawang lighter.
Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.