Kapwa naiiyak sa tuwa ang ina nina Karen Empeño at Sherlyn Cadapan sa naging pasya ng mababang korte sa kaso ng pagkawala at pagdukot sa kanilang anak.
Inabot kasi ng mahigit isang dekada ang kaso bago tuluyang nahatulan ng korte si Ret. Army Major General Jovito Palparan na siyang pangunahing akusado sa kaso.
Matapos ilabas ni Judge Alexander Tamayo ng Malolos RTC 3rd Judicial Region Branch 15 ang hatol na guilty kay Palparan, nagpasalamat si Ginang Concepcion Empeño sa matapang na pasya ng hukom.
Masaya din si Ginang Erlinda Cadapan na binigyang-bigat ni Judge Tamayo ang mga ebidensyang kanilang nailatag sa korte.
Watch: Concepcion Empeño @inquirerdotnet pic.twitter.com/iPFPzogE3w
— Allan Macatuno (@amacatunoINQ) September 17, 2018
Watch: Linda Cadapan @amacatunoINQ pic.twitter.com/0QsW7eimbl
— Allan Macatuno (@amacatunoINQ) September 17, 2018
Sina Cadapan at Empeño ay dinukot ng mga armadong lalaking nakasuot ng bonnet sa isang bahay sa Barangay San Miguel sa Hagonoy, Bulacan noong June 26, 2006.
Kapwa nag-aaral sa UP ang dalawa noon, kung saan si Cadapan ay senior sports science students habang kumukuha naman ng sociology si Empeño.