Suspensyon sa paglalayag sa ilang lugar sa bansa, inalis na ng PCG

Inalis na ng Philippine Coast Guard (PCG) ang suspensyon sa paglalayag ng mga sasakyang-pandagat sa ilang lugar sa bansa.

Ito ay kasunod ng paglabas ng Bagyong Ompong sa Philippine Area of Responsibility (PAR).

Sa abiso ng PCG, maaari nang maglayag sa mga sumusunod na lugar:
– Manila
– Batangas
– Mindoro
– Quezon
– Bicol
– Cebu
– Bohol
– Samar
– Leyte
– Dumaguete
– Iloilo
– Puerto Princesa

Ayon kay PCG spokesman Capt. Armand Balilo, nananatili namang suspendido ang mga pantalan ng Antique at Bongao sa Zamboanga habang hinihintay ang clearance mula sa mga safety inspector.

Sa ngayon, patuloy ang pag-monitor ng PCG sa kondisyon ng dagat sa Brookes Point, El Nido, Cuyo at Coron sa Palawan.