Higit 4,700 na pamilya, nanatili sa evacuation center sa CAR

Nasa 4,792 na pamilya o 17,688 na mga indibidwal ang nananatili sa 173 evacuation centers sa Cordillera Administrative Region (CAR).

Ayon sa Department of Social Welfare and Development-CAR, nasa 29 na mga kabahayan ang totally damaged habang nasa 29 rin ang partially damaged sa rehiyon.

Dagdag pa nito, aabot sa 5,874 pamilya o nasa 22,232 na pamilya ang naapektuhan ng pananalasa ng Bagyong Ompong.

Nakapagbigay na ang DSWD ng nasa P811,422 na tulong sa mga naapektuhan.

Habang wala pang ulat ang kagawaran sa halagang naitulong ng local government unit.