Mga bus na biyaheng Visayas kinansela dahil sa sama ng panahon

Kinansela na ang biyahe ng mga provincial bus papuntang Visayas at MIMAROPA sa ilang terminal sa Pasay City dahil sa sama ng panahon dulot ng bagyong Ompong.

36 na biyahe papuntang Mindoro ang kinansela sa Partas bus terminal.

Nasa 10 biyahe mg Pantranco bus pa-Iloilo at iba pang bahagi ng Visayas ang kanselado na rin.

Sa DLTB naman, 26 na biyahe pa-Visayas ang nakansela mula Huwebes.

Paliwanag ng terminal manager ng DLTB na si Chimes dela Rosa, hindi nila pinababiyahe ang kanilang mga bus dahil hindi rin naman pinapayagang bumyahe mula Matnog Port ang mga barkong magdadala sa mga bus dahil sa laki ng mga along nararanasan sa lugar.