Kalahating milyong pabuya inialok ng gobyerno para sa ikadarakip ni Peter Lim

Nag-alok na ng pabuya ang pamahalaan para sa mabilis na ikadarakip ng grug lord na si Peter Go Lim.

P500,000 ang alok na pabuya ng gobyerno sa sinomang makapagtuturo kay Lim na tinaguriang drug lord sa Central Visayas.

Kinumpirma ito ni Department of Justice (DOJ) Secretary Menardo Guevarra.

Magugunitang noong nakaraang buwan ay naglabas ng warrant of arrest ang Makati City Regional Trial Court B65 laban kay Lim sa kinakaharap niyang kasong conspiracy to commit drug trade.

Kasabay ng alok na pabuya, nagbabala din ang DOJ na mahaharap sa kasong kriminal ang sinumang mapatutunayang nagkakanlong kay Lim.