LOOK: Mahigit 1,500 na residente inilikas sa Gonzaga, Cagayan

Cagayan – Aabot na sa mahigit 1,500 indibidwal ang kasalukuyang kinakanlong sa Gonzaga People’s Gym sa Gonzaga, Cagayan.

Ayon sa mga tauhan ng Municipal Disaster Risk Reduction and Management Office (MDRRMO) ng Gonzaga ang mga inilikas ay aabot na sa 1,633 na katao o katumbas ng 428 na pamilya.

Inilikas sila sakay ng truck ng Philippine Marines mula sa anim na barangay sa bayan ng Gonzaga.

Karamihan sa mga residente ay mula sa mga coastal barangay ng nasabing bayan.

Ang iba sa mga nasa evacuation centers ay nag-boluntaryo nang lumikas sa takot na mapinsala ng bagyo.

Mayroong 25 barangay ang bayan ng Gonzaga, Cagayan.

Patuloy pa rin naman ang pagdating ng mga evacuees sa nasabing evacuation center.