Forced evacuation sa mga high risk area sa Tuba, Benguet ipinatupad na
Nagpatupad na ng forced evacuation ang lokal na pamahalaan ng Tuba Benguet sa mga itinuturing na high risk areas sa Tuba, Benguet.
Sa executive order na nilagdaan ni Tuba Mayor Ignacio Rivera, iniutos na nito ang pwersahang paglilikas sa mga residente na nasa Kiangan Village, Camp, Laaw at Camp 4.
Ang nasabing mga lugar ay itinuturing na high risk sa landslide.
Nakasaad sa kautusan na ang lahat ng ililikas na pamilya ay dadalhin sa mga paaralan at pasilidad ng mga barangay.
Binanggit din ng alkalde na sa kasagsagan ng pananalasa ng bagyo ay walang residente na papayagan na bumalik sa kanilang mga lugar na parte ng itinuturing na high risk areas para maiwasan ang casualty.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.