Mga naka-schedule na laban sa UAAP bukas, Sept. 15 kinansela na

Kinansela na ng UAAP ang mga nakatakdang laro bukas dahil sa sama ng panahon.

Sa pahayag, sinabi ni UAAP Season 81 President Nilo Ocampo na matapos ang ginawang konsultasyon nagpasya silang kanselahin na ang laro.

Ito ay para matiyak aniya ang kaligtasan ng kanilang mga manlalaro at mga manonood ng laban.

Kabilang sa nakatakdang laro bukas sa Men’s Basketball ay ang UP vs UE alas 2:00 ng hapon at NU vs UST alas 4:00 ng hapon sa MOA Arena.

Iaanunsyo na lamang ng UAAP kung kailan itatakda ang laban.