Apat ang sugatan matapos sumalpok ang isang bus sa pick-up truck sa Sitio Loong, Bgy. Luna San Antonio, Zambales.
Ayon kay Sr. Insp. Jonathan Bardaje, chief ng San Antonio Municipal Police Station, napilitang tumigil ang Mitsubishi Strada pick-up truck na minamaneho ni Anacleto Reyes nang may sumingit na motorsiklo.
Dahil dito, ang bus na nasa likuran ay natumbok ang pick-up truck, dahilan kaya nahulog ito sa tulay hanggang sa ilog.
Sugatan ang driver na si Reyes at pasahero nitong sina Teresita McKenzie, Armi Veloza at Nida Ragadio na pawing ginamot sa Rural Health Unit.
Patuloy na inaalam ng pulisya ang pagkakilanlan ng driver ng motorsiklo na may palyadong headlight.
MOST READ
LATEST STORIES