EO para sa importasyon malaking tulong sa problema sa inflation – Rep. Salceda
Kumpiyansa si Albay Rep. Edcel Salceda na malaki ang maitutulong ng nakatakdang pagpapalabas ni Pangulong Rodrigo Duterte ng kautusan upang bumaba ang inflation sa bansa.
Ayon kay Salceda, kung maipatutupad ang executive order ng pangulo, maaring bumaba sa 6.1 percent ngayong Setyembre ang inflation mula sa 6.4 percent na naitala naman noong Agosto.
Maisasaayos din nito ang hindi pagkakasundo sa pagitan ng National Food Authority Council at NFA.
Magkakaroon din anya ng “liberation measures” ang executive order na inaasahang ilalabas ng punong ehekutibo.
Nauna rito sinabi ng Malacañang na nakatakdang magsumite kay Pangulong Duterte ang economic managers nito ng draft ng executive order na nagtatanggal ng mga balakid at non-tariff barriers sa pag-aangkat ng iba’t ibang agricultural products kabilang ang bigas at isda.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.