Tourist spots sa Ilocos Norte isinara dahil sa TY Ompong

Sinuspinde na ang lahat ng tourism activities sa Ilocos Norte.

Sa abiso ng Ilocos Norte Tourism Office, pinayuhan ang publiko na manatili sa indoors at iwasan ang pagbiyahe mula ngayong araw hanggang bukas.

Isinara na rin pansamantala ang mga tourist spots sa lugar gaya ng Kapurpurawan, Malacanang of the North, Presidential Center sa Batac at iba pang Marcos Heritage, gayundin ang Arte Luna, Pagudbud Beach Park, Sand Dunes at iba pang tourism facilities na pinatatakbo ng gobyerno.

Pinayuhan din ang mga turista na iwasan ang mga aktibidad gaya ng swimming, hiking, trekking at iba pa.

Ipinatutupad na rin ang liquor ban sa Ilocos Norte base sa kautusan ni Gov. Imee Marcos mula ngayong araw hanggang sa nananatili pa ang epekto ng bagyo.