Inilipat ng Commission on Elections (COMELEC) sa October 11 hanggang 17 ang schedule ng paghahain ng certificates of candidacy (COC) para sa 2019 midterm elections.
Matatandang nauna nang itinakda ang filing period sa October 1 hanggang 5.
Ayon kay Comelec Spokesperson James Jimenez, hindi kasama ang Sabado at Linggo sa filing period.
Anya pa, wala ring extension ng filing hours sa huling araw.
Ang anunsyo ay naganap matapos himukin ng parehong kapulungan sa Kongreso ang Comelec na ilipat ang paghahain ng COC ang filing period sa October 11 hanggang 17.
Walang rason ang Senado kung bakit nais nitong i-reschedule ang filing period ngunit ang rason naman ng Kamara ay upang magampanan ang kanilang legislative duties at makaabot sa deadline ng filing.
Ayon sa resolusyon ng Mababang Kapulungan, ang 17th Congress ay magsasagawa ng sesyon hanggang October 12 at mag-aadjourn mula October 13 hanggang November 11.