2 arestado sa pagbebenta ng ilegal na droga sa Malate

Huli sa pagbebenta ng ilegal na droga ang dalawang katao sa Malate, Maynila.

Iyan ay makaraang magkasa ng anti-criminality operation ang Malate Police Station-9 sa bahagi ng Leveriza St., na nagresulta sa pagkakadakip ng mga suspek na sina Erman de Guzman, 42 anyos at Maritess Moroña, 46 anyos.

Ang suspek na si De Guzman ay residente ng Katipunan sa Quezon City habang si Moroña naman ay taga-Adriatico St., Malate.

Nakuha sa mga suspek ang 3 piraso ng plastic sachet ng shabu.

Nangako naman ang pamunuan ng Manila Police District na paiigtingin nila ang operasyon laban sa kriminalidad sa Lungsod ng Maynila.