Pahayag ito ni Lorenzana matapos ibasura ng Korte Suprema ang petisyon ni Trillanes para sa temporary restraining order (TRO) laban sa amnesty proclamation ni Pangulong Rodrigo Duterte.
Ayon kay Lorenzana, sinabi na ng pangulo na walang pag-aresto sa senador ng walang warrant kaya walang gagawin sa ngayon ang militar.
Sa desisyon ng Supreme Court, kinunsidera ang deklarasyon ni Duterte na hindi aarestuhin si Trillanes ng walang warrant.
Una na ring sinabi ng Armed Forces of the Philippines (AFP) na hindi sila kikilos kapag walang utos ang korte.
Hiniling ng Department of Justice sa Makati Regional Trial Court na maglabas ng arrest warrant at hold departure order laban kay Trillanes.