Malacañang: Hirit ng TRO ni Trillanes mahina ang argumento
Hindi na nagulat ang Malacañang sa naging desisyon ng Korte Suprema na ibasura ang hirit ni Senador Antonio Trillanes IV na temporary restraining order at preliminary injunction kaugnay sa Proclamation 572 ni Pangulong Rodrigo Duterte na nagpapawalang bisa sa kanyang amnestiya.
Ayon kay Chief Presidential Legal Counsel Salvador Panelo, sa una pa lamang kasi ay batid na ng Malacañang na walang matibay na pundasyon ang hirit ni Trillanes.
Sinabi pa ni Panelo, na maaring idagdag na rin ngayon sa comment ng gobyerno ang hindi pag-aaply ni Trillanes ng amnesty at hindi pag-amin sa kanyang pagsasagawa ng kudeta noong 2003 at 2007 kahit na hindi naman ito nakasaklaw sa proklamasyon.
Kasabay nito, ipinauubaya na aniya ng palasyo sa Makati Regional Trial Court ang pagpapasya ngayon sa kapalaran ni Trillanes.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.