Ibinasura ng Sandiganbayan 3rd Division ang hiling ni dating Puerto Princesa City Mayor Edward Hagedorn na motion to quash information sa kasong malversation of public property.
Base sa anim na pahinang desisyon, sinabi ng korte na wala silang nakitang dahilan upang pagbigyan ang mosyon ni Hagedorn.
Sa kanyang mosyon, sinabi ni Hagedorn na gumawa siya ang paraan upang mahanap ang mga baril na ito at maibalik bago pa nakapaghain ng kaso laban sa kanya.
Nakasaad pa sa resolusyon ng korte na ang sinasabi ng akusado na isiuli niya ang mga baril bilang depensa ay magagamit nito sa pagdinig na ng kaso.
Ang kaso ay kaugnay ng mga baril na hindi umano isinauli ni Hagedorn sa gobyerno sa pagtatapos ng kanyang termino bilang alkalde ng lungsod.