Pinunit ng mga taga-suporta ni Senator Antonio Trillanes IV ang mga papel na may markang Proclamation 572 ni Pangulong Rodrigo Duterte na nagpawalang-bisa sa amnestiya ng senador na ipinagkaloob ng noo’y pangulong Noynoy Aquino.
Ang mga taga-suporta ng senador na nakasuot ng headband na may may markang “Magdalo” ay ilang araw na rin may vigil sa labas ng main gate ng senado.
Umapela din sila kay Pangulong Rodrigo Duterte na igalang ang kanilang ginagawa.
May hiwalay din silang pakiusap sa mga Duterte Diehard Supporters o DDS na huwag naman silang bastusin o murahin sa social media.
Anila, kanya-kanya naman paniniwala at paninindigan ang kanilang ginagawa kaya’t dapat ay magrespetuhan na lang.
MOST READ
LATEST STORIES