LOOK: Manila Water may isasagawang aktibidad sa EDSA-Shaw SB

Inabusuhan ng Manila Water ang mga motorista hinggil sa aktibidad na isasagawa nila sa bahagi ng EDSA-Shaw Southbound.

Ayon sa Manila Water, uumpisahan ang aktibidad alas 11:00 ng gabi ng Sept. 8 (Sabado) at tatagal hanggang alas 12:00 ng tanghali ng Sept. 9 (Linggo).

Ayon sa Manila Water magsasagawa sila ng assessment at inspection sa inaayos na linya para matiyak na wala nang tagas.

Hindi naman magdudulot ng water interruption ang aktibidad.

Pero inabisuhan ng Manila Water ang mga motorista na maari itong magdulot ng pagsisikip sa daloy ng traffic sa lugar sa mga nabanggit ng oras.