Drug suspek, patay sa buy bust sa Valenzuela

By Rhommel Balasbas September 07, 2018 - 04:32 AM

Patay ang isang drug suspek matapos manlaban sa ikinasang buy bust operation ng pinagsanib na pwersa ng pulisya at Philippine Drug Enforcement Agency (PDEA) sa Pinalagad, Malinta, Valenzuela City.

Nakilala ang suspek na si Jeffrey Andes, alyas ‘Kamote’ at residente sa lugar.

Nagpanggap na bibili ng droga ang isang operatiba at nang magkaabutan na ng droga at ng perang nagkakahalaga ng P500 ay nakaramdam ang suspek.

Dito na nagpaputok ng baril si Andes dahilan para gumanti ng putok ang mga awtoridad.

Isinugod pa ito sa Valenzuela Medical Center ngunit idineklara ring dead on arrival.

Narekober sa pinangyarihan ng insidente ang 10 plastic sachets ng hinihinalang shabu, P500 buy bust money, ilang piraso ng ID at kalibre .45 ng baril.

TAGS: drugs, Valenzuela City, drugs, Valenzuela City

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.