Pagpasaklolo ni Sen. Trillanes sa SC, mali ayon sa Malakanyang

Mali ang ginawang hakbang ni Sen. Antonio Trillanes IV na dumulog sa Korte Supreme para humirit ng Temporary
Restraining Order at Preliminary Injunction kaugnay sa pagpapawalang bisa sa kanyang amnestiya.

Ayon kay Presidential Spokesman Harry Roque, factual ang usapan sa kataas taasang hukuman.

Una aniyang bubusisiin ng mga mahistrado kung mayroong aplikasyon at kung inamin ni Trillanes ang krimen nang
magkudeta sa gobyerno noong 2003 at 2007.

Payo pa ni Roque kay Trillanes, sa regional trial court muna dumulog para maitama ang kanyang mga ginagawa.

Malinaw naman kasi aniya na walang aplikasyon at walang ginawang pag-amin si Trillanes sa kanyang mga krimen.