Naaksidenteng van nagdulot ng perwisyo sa traffic sa Parañaque
Nagdulot ng bigat ng trapiko ang tumagilid na isang wing van truck sa bahagi ng Bicutan East Service Road sa Parañaque, Huwebes ng umaga.
Ito ay dahil nagkalat ang laman ng trak na ipa o pinagbalatan ng palay sa northbound lane ng kalsada.
Ayon sa Skyway O & M Corporation (SOMCO), pansamantalang isinara ang magkabilang lane ng service road matapos mangyari ang aksidente bandang 5:00 ng umaga.
Umabot pa ang dulo ng trapiko sa bahagi ng Alabang.
Sa ngayon, patuloy pa rin ang isinasagawang clearing operations sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.