2 arestado sa buy bust operation sa Malabon City
Timbog ang dalawang drug suspek sa ikinasang buy bust operation ng mga pulis sa Barangay Tugatog, Malabon City.
Nakilala ang mga suspek na sina Jenifer Franco alyas Janneth, 52 taong gulang, at Michael Franco alyas Jing, 33 taong gulang.
Kapwa napag-alamang tulak ng iligal na droga ang mga ito, ngunit hindi kabilang sa binabantayan sa watch list ng mga otoridad.
Narekober mula sa dalawang suspek ang 10 piraso ng plastic sachet ng shabu.
Mahaharap ang mga ito sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.