Antipolo Hall of Justice binulabog ng bomb threat

Nakatanggap ang Antipolo Hall of Justice ng bomb threat, Martes ng umaga.

Ayon kay Antipolo Chief of Police Supt. Villaflor Banawagan, nagsimula silang makatanggap ng bomb threat matapos ang nangyaring pagsabog sa Isulan, Sultan Kudarat.

Base sa inisyal na imbestigasyon ng Antipolo City police, nakatanggap ng text sina Judge Jennifer De Lumen at Judge Leili Suarez ng Branch 73 at 74 gayundin si Prosecutor Mario De Luna na nagsasaad na may ipapasok na bomba sa lugar.

Nakasaad sa text ang babala na may binabalak ang masasamang element at magpapasok o maaring naipasok na ang bomba sa Hall of Justice.

Agad namang ginalugad ng mga miyembro ng SWAT team ng Antipolo sa nasabing lugar.