Magnitude 3.6 na lindol naramdaman sa Leyte

Niyanig ng isang magnitude 3.6 na lindol ang bayan ng Capoocan, Leyte.

Batay sa inilabas na abiso ng PHIVOLCS, naganap ang pagyanig alas-11:43 ng gabi ng Lunes.

Naitala ang episentro ng lindol sa layong 9km hilagangkanluran ng Capoocan at may lalim itong 5km.

Dahil sa tectonic na pagyanig, naitala ang instrumental Intensity I sa lungsod ng Ormoc.

Wala namang inaasahang anumang pagkasira ng mga ari-arian o aftershocks ang naganap na lindol.