Drug suspek patay matapos manlaban sa mga pulis-Bulacan

Dead on the spot ang isang drug suspek matapos manlaban sa mga otoridad sa Barangay Salusoy sa Meycauayan, Bulacan.

Kinilala lamang ang nasawing suspek sa alyas na Joey na nasa pagitan ng 30 hanggang 40 taong gulang.

Ayon sa mga otoridad, gabi ng Linggo nang isagawa ang buy bust operation laban kay alyas Joey.

Matapos ang transaksyon at aktong aarestuhin na ng pulisya ang suspek ay bumunot ito ng baril at pinaputukan ang mga pulis.

Dahilan ito upang gumanti ng putok ang pulisya na nagresulta sa pagkamatay ni alyas Joey.

Narekober mula dito ang isang kalibre 38 baril at apat na piraso ng plastic sachet na naglalaman ng hinihinalang shabu.